ԸՆԴԱՆՈՒՐ ՊԱՅՄԱՆՆԵՐ

• ավտոմեքենայի ընտրությունը կատարվում է գնորդի կողմից՝ աճուրդի կայքում տեղադրված նկարների հիման վրա,
• ավտոմեքենան գնորդին հանձնվում է վթարված վիճակում,
• վթարված ավտոմեքենան տեսանելի վնասներից բացի կարող է ունենալ թերություններ/անսարքություններ, որոնք տեսանելի չեն և հնարավոր չի պարզել նկարների ուսումնասիրության արդյունքում,
• ավտոմեքենայի այնպիսի թերությունների/անսարքությունների առկայությունը, որոնք հնարավոր չէ պարզել նկարների ուսումնասիրության արդյունքում, չի կարող հիմք հանդիսանալ ավտոմեքենայի արժեքի նվազեցման, Գնորդի սահմանված պարտավորությունների կատարման համար, ինչպես նաև Վաճառողը որևէ պատասխանատվություն չի կրում այդ թերությունների/անսարքությունների համար,
• ավտոմեքենան ՀՀ ներմուծելիս կարող է նրանում բացակայեն վթարված պահեստամասերը, բանալին և այլ աքսեսուարներ, որոնց համար Վաճառողը որևէ պատասխանատվություն չի կրում:

ՎՃԱՐՄԱՆ ԿԱՐԳԸ

• պայմանագրի կնքմանը հաջորդող 1 (մեկ) օրվա ընթացքում մեքենայի աճուրդից ձեռքբերման գինը և աճուրդի վճարը (Auction fee),
• պայմանագրի կնքմանը հաջորդող 45 (քառասունհինգ) օրվա ընթացքում տեղափոխման հետ կապված ծախսերը,
• ավտոմեքենայի ներմուծման վերաբերյալ ծանուցումը ստանալուց հետո 3 (երեք) օրվա ընթացքում պայմանագրով նախատեսված գումարի մնացած մասը։
• ժամկետներն ավելի քան մեկ օր ուշացնելու դեպքում Վաճառողը իրավունք ունի Գնորդից պահանջել տույժ վճարել՝ կետանցի յուրաքանչյուր օրվա համար՝ պայմանագրի գնի 0.05 %-ի չափով: